വിദ്യാമൃതം

പ്രവേശനോത്സവം വർണ്ണാഭമായി

                     2017-18 അദ്ധ്യയന വർഷത്തിലെ പ്രവേശനോത്സവം വർണ്ണാഭമായി ആഘോഷിച്ചു. സ്കൂൾ പി ടി എ പ്രസിഡന്റ് ശ്രീ അഹമ്മദ് കിർമ്മാണി അദ്ധ്യക്ഷത വഹിച്ച യോഗം മതർ പി ടി എ പ്രസിഡന്റും വാർഡ് മെമ്പറുമായ ശ്രീമതി കുഞ്ഞാമിന ഉദ്ഘാടനം ചെയ്തു. സ്കൂൾ മാനേജർ ഡോ അബ്ദുൽ ഹഫീസ്, പി ടി എ വൈസ് പ്രസിഡന്റ് അബ്ദുൽ റഹ്മാൻ ,പ്രിൻസിപ്പൽ അനിത കുമാരി,  പി ടി എ അംഗങ്ങളായ ഫൈസൽ, റസിയ,തുടങ്ങിയവർ ആശംസാ പ്രസംഗം നടത്തി. വിദ്യാഭ്യാസ വകുപ്പിന്റെ വിദ്യാർത്ഥകൾക്കുള്ള  നിർദേശം സ്കൂൾ ലീഡർ അഭിജിത് വായിച്ചു കേൾപ്പിച്ചു. വിദ്യാർത്ഥികൾക്കുള്ള പഠനോപകരണം സീനിയർ അദ്ധ്യാപകരായ വേണുഗോപാലൻ മാസ്റ്ററും സതികുമാർ മാസ്റ്ററും നൽകി.സ്കൂൾ മാനേജർ ഡോ അബ്ദുൽ ഹഫീസ് സർ ഫ്രീ യൂണിഫോമിന്റെ ഉദ്ഘാടനം ചെയ്തു . എല്ലാ വിദ്യാർത്ഥികൾക്കും മധുര പലഹാരം നൽകി.  ഹെഡ്മിസ്ട്രസ് ശ്രീമതി പ്രവീണ ടീച്ചർ സ്വാഗതവും സ്റ്റാഫ് സെക്രട്ടറി ശ്രീമതി ചിത്രംഗത ടീച്ചർ നന്ദിയും പറഞ്ഞു  .